Hud Par Yaqeen Ka Safar"

 Hud Par Yaqeen Ka Safar"

Ek chhoti si larki thi jiska naam tha Areeba. Wo aik normal family se thi — na bohot ameer, na bohot

gareeb — bas zindagi chal rahi thi. Areeba school me hamesha chup rehti thi, bohot kam bolti thi. Uske class fellows kehte thay:

"Tum boring ho..."
"Tumse to kabhi kuch nahi hoga."

Lekin Areeba ke dil me ek raaz tha — usay drawing ka shauq tha. Uski almari ke niche ek purani copy hoti thi jisme wo chhup chhup ke sketch banati thi — phool, parinday, log, sapnay — sab kuch.

Har raat jab sab so jate, Areeba apne sapnon ki duniya me kho jati thi. Wo tasveerain banati thi aur sochti thi:
"Kaash koi meri drawings dekhe aur kahe ke Areeba tum bohot achi artist ho."

Lekin usme himmat nahi thi. Darti thi ke log hansenge, mazaak uraenge.

Phir ek din school me ek announcement hui:

"Next week Drawing Competition hai! Jo bhi participate karna chahe apna naam de de."

Poore class me sab larkiyan excited thein — lekin Areeba chup thi. Uski best friend Sana ne kaha:
"Areeba tumhe participate karna chahiye... tum to bohot acha draw karti ho!"

Lekin Areeba ne muskara ke mana kar diya. Usay apne aap par yaqeen nahi tha. Usay lagta tha ke wo kabhi nahi jeet sakti.

Lekin raat ko jab wo apni copy le kar baithi... uske dil ne kaha:
"Areeba... ek chance to do. Agar haar bhi gayi to kya? Kam az kam koshish to karogi."

Us din Areeba ne apni zindagi ka sabse khoobsurat sketch banaya — ek larki jo andheron se nikal kar roshni ki taraf ja rahi thi. Uski aankhon me umeed thi, chehre pe muskurahat.

Competition ka din aya. Sab ne apni drawings display ki. Jab judges Areeba ki tasveer ke paas aaye to kuch dair chup rahe... phir muskara diye.

Result announce hua:
"First Prize goes to Areeba!"

Poora school surprise tha... sab ne taaliyan bajai. Jis larki ko sab boring samajhte thay — aaj usne sabko hairaan kar diya tha. Areeba ki aankhon me aansu thay — khushi ke aansu. Aaj usay samajh aya tha:

"Log jo bhi kehte rahen... agar tum khud pe yaqeen rakhoge to duniya tumhe kabool kar hi legi."

Us din ke baad Areeba ne drawing kabhi nahi chhodi. Aaj wo aik mashhoor artist hai. Uska kaam exhibitions me lagta hai — log usay pasand karte hain, usay follow karte hain.

---

Story Ka Asal Paighaam:

Zindagi me sabse bara dushman hamara khud se darna hota hai. Jab tak banda apne khwab ko khud nahi maanta — duniya bhi nahi maanti. Areeba ki kahani sabko sikhati hai ke:

✔ Apne talent ko kabhi chhupao mat.
✔ Duniya ki baaton se ghabrao mat.
✔ Hamesha ek chance do — tumhare andar ki roshni bohot gehri hai.

LESSON TO ALL PEOPLE:

Areeba ki kahani ka sabse bara lesson kya hai?

Yeh ke apne sapno se kabhi peecha na hatao — chahe duniya kuch bhi kahe.